الصَّلوٰة
ஸலாத் - தொடர்பு தொழுகை
ஸலாத் என்றால் பொருள் என்ன?
முஹம்மது நபிக்கு முன்பு, அதாவது குர்ஆனுக்கு முன்பு ஸலாத் தொடர்பு தொழுகை உள்ளதா?
ஸலாத் எப்பொழுது, யார் மூலமாக வந்தது?
ஒலு செய்வது எப்படி?
ஸலாத் எத்தனை முறை?
ஸலாத்தில் நாம் கூறும் தொனி(Tone) என்ன?
ஸலாத் தவறவிட்டால் என்ன செய்ய வேண்டும்?
ஷஹாதத் என்றால் என்ன?
பெண்கள் மாதவிடாய் சமயத்தில் தொழாமல் இருக்க அனுமதி உண்டா?
ஸலாத்தை பற்றி குர்ஆன் Vs ஹதீஸ்.
ஸலாத் என்றால் பொருள் என்ன?
ஸலாத் “சிலட்” என்ற வேர்ச்சொல்லிலிருந்து வந்தது. தொடர்பு/தொடர்பு கொள்ளுதல் என்று பொருள். அதாவது கடவுளை நாம் தொடர்பு கொள்ளுதல் என்று பொருள்.
நாம் கடவுளை நேரடியாக ஸலாத்தின் (தொடர்பு தொழுகை) மூலம் தொடர்பு கொள்கின்றோம்.
20:14 "நான்தான் கடவுள்; என்னுடன் வேறு தெய்வம் இல்லை. என்னை மட்டுமே நீர் வழிபட வேண்டும், மேலும் என்னை நினைவு கூர்வதற்காகவே (ஸலாத்) தொடர்புத் தொழுகைகளைக் கடைப்பிடிப்பீராக.
முஹம்மது நபிக்கு முன்பு, அதாவது குர்ஆனுக்கு முன்பு ஸலாத் தொடர்பு தொழுகை உள்ளதா?
ஆம், குர்ஆன் இறங்குவதற்கு முன்பாக ஸலாத் தொடர்பு தொழுகை வழக்கத்தில் உள்ளது.
இன்ஷா அல்லாஹ், அல்லாஹ் நமக்கு வழங்கிய வேதத்திலிருந்து ஆதாரத்தை காண்போம்.
இஸ்ரவேலின் சமூகத்தினர்
2:83 இஸ்ரவேலின் சந்ததியினருடன் நாம் ஓர் உடன்படிக்கை செய்தோம்: "நீங்கள் கடவுள்-ஐத் தவிர வழிபடக் கூடாது. நீங்கள் உங்களுடைய பெற்றோரைக் கண்ணியப்படுத்தவும், உறவினர்கள், அனாதைகள், மற்றும் ஏழைகளுக்கு மதிப்பளிக்கவும் வேண்டும். நீங்கள் மனிதர்களை இணக்கத்துடன் நடத்திட வேண்டும். நீங்கள் (ஸலாத்) தொடர்புத் தொழுகைகளைக் கடைப்பிடிக்கவும், மேலும் (ஜகாத்) கடமையான தர்மத்தை கொடுக்கவும் வேண்டும்." ஆனால் உங்களில் சிலரைத் தவிர, நீங்கள் திரும்பிச் சென்று விட்டீர்கள், மேலும் நீங்கள் வெறுப்புக் கொண்டவர்களாகி விட்டீர்கள்.
5:12 இஸ்ரவேலின் சந்ததியினரிடமிருந்து ஓர் உடன்படிக்கையைக் கடவுள் எடுத்திருந்தார், மேலும் அவர்களுக்கிடையில் பன்னிரண்டு வம்சத் தலைவர்களை நாம் எழுப்பினோம். மேலும் கடவுள் கூறினார், "நீங்கள் (ஸலாத்) தொடர்புத் தொழுகைகளைக் கடைப்பிடித்து, (ஜகாத்) கடமையான தர்மத்தைக் கொடுத்து, மேலும் என்னுடைய தூதர்கள் மீது நம்பிக்கை கொண்டு மேலும் அவர்களைக் கண்ணியப்படுத்தி, மேலும் நன்னெறியெனும் ஒரு கடனைக் கடவுள்-க்கு இரவலாகத் தொடர்ந்து கொடுத்து வருகின்ற பட்சத்தில், நான் உங்களுடன் இருக்கின்றேன். பின்னர் நான் உங்களுடைய பாவங்களை நீக்குவேன், மேலும் பாய்கின்ற ஆறுகள் கொண்ட தோட்டங்களுக்குள் உங்களை அனுமதிப்பேன். இதன் பின்னரும் நம்பமறுக்கின்றவர் எவராயினும், உண்மையில் சரியான பாதையிலிருந்து விலகிச் சென்று விட்டார்."
மோஸஸுக்கும் அவருடைய சகோதர் ஹாரூன்ருக்கும் :
10:87 நாம் மோஸஸுக்கும் அவருடைய சகோதரருக்கும் உள்ளுணர்வளித்தோம். "தற்போதைக்கு எகிப்தில் உள்ள உங்களது வீடுகளைப் பராமரித்துக் கொண்டு, உங்கள் வீடுகளையே ஆலயங்களாக ஆக்கிக் கொள்ளுங்கள், மேலும் தொடர்புத் தொழுகைகளை (ஸலாத்) பேணி வாருங்கள். நம்பிக்கை கொண்டவர்களுக்கு நற்செய்தி வழங்குங்கள்."
லுக்மான்
31:17 "என் மகனே, (ஸலாத்) தொடர்புத் தொழுகைகளை நீ கடைப்பிடிக்க வேண்டும். நன்மைகளை ஆதரிப்பதுடன் தீமைகளை நீ தடுக்கவும் வேண்டும், மேலும் இன்னல்களை எதிர்கொள்ளும் போது உறுதிப்பாட்டுடன் தொடர்ந்து இருக்க வேண்டும். இவை மிகவும் கண்ணியமான பண்புகளாகும்.
இஸ்மாயில்
19:55 தொடர்புத் தொழுகைகளையும் (ஸலாத்) கடமையான தர்மத்தையும் (ஜகாத்) நிறைவேற்றும்படித் தன் குடும்பத்தாரை ஏவுபவராக அவர் இருந்தார்; அவருடைய இரட்சகரிடம், ஏற்றுக் கொள்ளப்படக் கூடியவராக அவர் இருந்தார்.
இயேசு – ஈஷா
19:31 "நான் செல்லுமிடமெல்லாம் என்னை அவர் ஆசீர்வதித்துள்ளார், மேலும் நான் வாழும் காலமெல்லாம் (ஸலாத்) தொடர்புத் தொழுகைகளையும் (ஜகாத்) கடமையான தர்மத்தையும் நிறைவேற்ற எனக்குக் கட்டளையிட்டுள்ளார்.
ஆப்ரஹாம்
14:37 "எங்கள் இரட்சகரே, எனது குடும்பத்தின் ஒரு பகுதியை உம்முடைய புனித வீட்டின் அருகில், தாவரங்களற்ற இப்பள்ளத்தாக்கில் நான் குடியேற்றியிருக்கின்றேன். எங்கள் இரட்சகரே, அவர்கள் தொடர்புத் தொழுகைகளை (ஸலாத்) நிறைவேற்ற வேண்டியவர்களாக உள்ளனர், எனவே மனிதர்களைக் கூட்டமாக அவர்களோடு குழுமச் செய்வீராக, மேலும் அவர்கள் நன்றி செலுத்துபவர்களாக இருக்கும் பொருட்டு, அனைத்துக் கனிவர்க்கங்களையும் அவர்களுக்கு வழங்குவீராக.
இப்ராகிமுக்கு முன்பாக வாழ்ந்த ஸாலிஹ், ஹூத், நோவா இவர்களைப்பற்றி கூறும்போது ஸலாத் இடம்பெறவில்லை என்பது குறிப்பிடத்தக்கது.
ஸலாத் எப்பொழுது, யார் மூலமாக வந்தது?
இன்ஷா அல்லாஹ் குர்ஆனின் வசனம் மூலமாக விடை காண்போம்…
ஆப்ரஹாம்: இஸ்லாத்தின் மார்க்கக் கடமைகள் அனைத்தையும் சேர்ப்பித்தவர்.
இப்ராஹிமுக்கு ஸலாத் மற்றும் ஜக்காத் கடைப்பிடிப்பது எப்படி என்பதை கற்றுக் கொடுத்தோம் என்று அல்லாஹ் நமக்கு வசனங்களில் மூலம் விளக்குகிறார்.
21:73 நம்முடைய கட்டளைகளுக்கேற்ப வழிநடத்திய இமாம்களாக நாம் அவர்களை ஆக்கினோம், மேலும் நன்மைகள் செய்வது எப்படி என்பதையும், (ஸலாத்) தொடர்புத் தொழுகைகளையும் (ஜகாத்)* கடமையான தர்மத்தையும் கடைப்பிடிப்பது எப்படி என்பதையும் நாம் அவர்களுக்குக் கற்றுக் கொடுத்தோம். நமக்கு, அர்ப்பணித்துக் கொண்ட அடியார்களாக அவர்கள் இருந்தனர்.
22: 78. நீங்கள் கடவுள்-ன் நிமித்தம் பாடுபட வேண்டியவாறு அவர் நிமித்தமாக நீங்கள் பாடுபட வேண்டும். அவர் உங்களைத் தேர்ந்தெடுத்துக் கொண்டார், மேலும் உங்கள் தந்தை ஆப்ரஹாமின் மார்க்கமாகிய-உங்கள் மார்க்கத்தைப் பயில்வதில் உங்கள் மீது எந்தச் சிரமத்தையும் அவர் வைக்கவில்லை. அவர்தான் முதலில் உங்களுக்கு "சரணடைந்தோர்" எனப் பெயரிட்டார். இப்படியாக, தூதர் உங்களுக்கிடையில் ஒரு சாட்சியாகத் திகழ வேண்டும், மேலும் நீங்கள் மக்களுக்கிடையில் சாட்சிகளாகத் திகழவேண்டும், எனவே நீங்கள் (ஸலாத்) தொடர்புத் தொழுகைகளைக் கடைப்பிடிக்கவும், மேலும் (ஜகாத்) கடமையான தர்மத்தைக் கொடுத்து வரவும், மேலும் கடவுள் -ஐ பற்றிக் கொள்ளவும் வேண்டும்; அவர்தான் உங்கள் இரட்சகர், மிகச்சிறந்த இரட்சகர், மேலும் மிகச் சிறந்த ஆதரவாளர்.
6:161 கூறுவீராக, "என்னுடைய இரட்சகர் நேரானதொரு பாதையில் என்னை வழிநடத்தியுள்ளார் - ஆப்ரஹாமின் பரிபூரண மார்க்கமான, ஏகத்துவம். அவர் ஒரு போதும் போலித் தெய்வ வழிபாடு செய்கின்ற ஒருவராக இருந்ததில்லை."
16:123 பின்னர் நாம் உமக்கு (முஹம்மத்) ஏகத்துவவாதியான ஆப்ரஹாமின் மார்க்கத்தைப் பின்பற்றும்மாறு உள்ளுணர்வூட்டினோம்; அவர் ஒருபோதும் போலித் தெய்வங்களை வழிபட்டவராக இருந்ததில்லை.
குர்ஆன் முழுவதும் மில்லது இப்ராஹிம் என்று அழைக்கப்படுகின்றது
பார்க்க : 2:130, 135; 3:95; 4:125; 6:161; 12:37-38; 16:123; 21:73; 22:78.
ஒலு செய்வது எப்படி?
5:6. நம்பிக்கை கொண்டோரே உங்களைத்தான், நீங்கள்(ஸலாத்) தொடர்புத் தொழுகைகளைக் கடைப்பிடிக்கையில், நீங்கள்:
(1) உங்களுடைய முகங்களைக் கழுவிக் கொள்ளுங்கள்,
(2) முழங்கைகள் வரை உங்களுடைய கைகளைக் கழுவிக்கொள்ளுங்கள்,
(3) உங்களுடைய தலைகளைத் தடவிக்கொள்ளுங்கள், மேலும்
(4) கணுக்கால்கள் வரை உங்களுடைய பாதங்களைக் கழுவிக்கொள்ளுங்கள்.
பால்ரீதியிலான உச்சக்கட்ட இன்பத்தால் நீங்கள் தூய்மையற்றவர்களாக இருந்தால், நீங்கள் குளித்துக் கொள்ள வேண்டும். நீங்கள் நோயிலோ அல்லது பிரயாணத்திலோ இருந்தால், அல்லது ஏதேனும் செரிமானக்கழிவுகளை (சிறுநீர், மலம், அல்லது வாயு) வெளிப்படுத்தியிருந்தால், அல்லது பெண்களுடன் (பாலுறவுத்) தொடர்பு கொண்டிருந்தால், மேலும் நீங்கள் தண்ணீரைக் காண இயலாவிட்டால், நீங்கள் தூய்மையான உலர்ந்த மண்ணத் தொட்டு, பின்னர் உங்களுடைய முகங்களையும் கைகளையும் தடவிக்கொள்வதன் மூலம் உலர் அங்க சுத்தியை (தயம்மம்) கடைப்பிடிக்க வேண்டும். மார்க்கத்தை உங்களுக்குக் கடினமானதாக ஆக்கி விடக் கடவுள் விரும்பவில்லை; நீங்கள் நன்றியுடையவர்களாக இருக்கும் பொருட்டு, உங்களைத் தூய்மைப்படுத்தவும், உங்கள் மீதான தன்னுடைய ஆசிகளைப் பூரணப்படுத்தவுமே அவர் விரும்புகின்றார்.
ஸலாத் எத்தனை முறை?
பஜர் : வைகறை தொழுகை (11:114, 24:58)
நுகர் : நண்பகல் தொழுகை (17:78)
அஸர் : பிற்பகல் தொழுகை (2:238)
மக்ரிப் : அந்தி தொழுகை (11:114)
இஷா : இரவுத் தொழுகை (11:114, 24:58)
வெள்ளிக்கிழமை: ஜும்மா : கூட்டு தொழுகை (62:9)
ஸலாத்தில் நாம் கூறும் தோனி(Tone) என்ன?
17:110 கூறும், "கடவுள் என அவரை அழையுங்கள், அல்லது மிக்க அருளாளர் என அவரை அழையுங்கள்; எந்த ஒரு பெயரை நீங்கள் பயன்படுத்தினாலும், அழகிய பெயர்கள்தான் அவருக்குரியவை." உமது (ஸலாத்) தொடர்புத் தொழுகைகளை நீர் மிகவும் சப்தமாகவோ, அன்றி இரகசியமாகவோ கூற வேண்டாம், நடுத்தரமானதொரு தொனியைப் பயன்படுத்துவீராக.
ஸலாத் தவறவிட்டால் என்ன செய்ய வேண்டும்?
ஸலாத் தொடர்பு தொழுகை தவறவிடக் கூடாது எனவும் தவறவிட்டால் வருந்தி திருந்தி பாவ மன்னிப்பு கேட்பது மட்டுமே அதற்கு பரிகாரம் என்றும் குர்ஆன் நமக்கு கற்றுத் தருகிறது.
அசாதாரண சூழ்நிலையில் கூட நாம் ஸலாத்தை கடைப்பிடிக்க வேண்டும். என்று கடவுள் நமக்கு கட்டளையிடுகிறார்.
4:103 உங்களுடைய (ஸலாத்) தொடர்புத் தொழுகையை நீங்கள் நிறைவேற்றியவுடன், நின்று கொண்டோ, அமர்ந்து கொண்டோ, அல்லது கீழே படுத்தவாறோ, நீங்கள் கடவுள்-ஐ நினைவில் கொள்ள வேண்டும். போர் முடிந்து விட்டவுடன், நீங்கள் (ஸலாத்) தொடர்புத் தொழுகைகளை முறையாகக் கடைப்பிடிக்க வேண்டும்; (ஸலாத்) தொடர்புத் தொழுகைகள் நம்பிக்கையாளர்களுக்குக் குறிப்பிடப்பட்ட நேரங்களில் கடமையாக்கப்பட்டுள்ளன.
4:101 போர்க் காலத்தில், நீங்கள் பிரயாணித்துக் கொண்டிருக்கும் பொழுது, நம்பமறுப்பவர்கள் உங்களைத் தாக்கக் கூடும் என்று நீங்கள் அஞ்சினால், உங்களுடைய (ஸலாத்) தொடர்புத் தொழுகைகளைச் சுருக்கிக் கொள்வதன் மூலம் நீங்கள் எந்தத் தவறும் செய்து விடுவதில்லை. நிச்சயமாக, நம்பமறுப்பவர்கள் உங்களுடைய தீவிரமான விரோதிகளாகவே இருக்கின்றனர்.
2:239 அசாதாரண சூழ்நிலைகளில், நடந்து கொண்டோ அல்லது சவாரி செய்கின்ற நிலையிலோ நீங்கள் தொழுது கொள்ளலாம். நீங்கள் பாதுகாப்பாகி விட்டவுடன், நீங்கள் ஒருபோதும் அறிந்திராதவற்றை அவர் உங்களுக்குக் கற்றுக் கொடுத்தவாறு நீங்கள் கடவுள்-ஐ நினைவு கூர்ந்திட வேண்டும்.
70:32-34 மேலும் நம்பிக்கையாளர்கள் தங்களுடைய வாக்குறுதிகளைக் காப்பார்கள்; அவர்கள் நம்பகத்திற்குரியவர்களாக இருக்கின்றனர். அவர்களுடைய சாட்சியம் சத்தியம் நிறைந்ததாக உள்ளது. அவர்கள் தங்களுடைய (ஸலாத்) தொடர்புத் தொழுகைகளை, சரியான நேரத்தில் சீராகக் கடைப்பிடிக்கின்றனர்.
ஷஹாதத் என்றால் என்ன?
"அஷ்ஹது அல்லா இலாஹ இல்லா அல்லாஹ்"
3:18 அவரைத் தவிர தெய்வம் இல்லை என்று கடவுள் சாட்சியம் பகர்கின்றார், மேலும் வானவர்களும் அறிவுடையவர்களும் அவ்வாறே செய்கின்றனர். சத்தியமாகவும் நீதமாகவும், அவர்தான் பரிபூரணமான தெய்
வமாக இருக்கின்றார்; அவரை அன்றி தெய்வம் இல்லை, எல்லாம் வல்லவர், ஞானம் மிகுந்தவர்.
39:3 நிச்சயமாக, மார்க்கம் கடவுள்-க்கு மட்டுமே அர்ப்பணிக்கப்பட வேண்டும். அவருடன் போலித் தெய்வங்களை அமைத்துக் கொள்பவர்கள் கூறுகின்றனர், "கடவுள்-க்கு நெருக்கமாக எங்களைக் கொண்டுசெல்வதற்காகவே நாங்கள் அவர்களை இணைவழிபாடு செய்கின்றோம்; ஏனெனில் அவர்கள் மேலானதொரு நிலையில் இருக்கின்றனர்!" அவர்களுடைய தர்க்கங்கள் குறித்து கடவுள் அவர்களுக்குத் தீர்ப்பளிப்பார். இத்தகைய பொய்யர்களை, நம்பமறுப்பவர்களைக் கடவுள் வழிநடத்துவதில்லை.
39:45 கடவுள் மட்டும் மொழியப்பட்டால், மறுவுலகின் மீது நம்பிக்கை கொள்ளாதவர்களின் இதயங்கள் வெறுப்பினால் சுருங்கி விடுகின்றன. ஆனால் அவருடன் மற்றவர்களும் மொழியப்பட்டால், அவர்கள் திருப்தி அடைகின்றனர்.*
இன்றைய முஸ்லிம்கள் தங்களுடைய தொழுகைகளின் போது முஹம்மது மற்றும் அவர் குடும்பத்தாரையும் அத்துடன் இப்ராஹீம் அவர் குடும்பத்தாரையும் நினைவு கூறந்திடுவதை வலியுறுத்துகின்றனர். இது அந்த தொழுகையை செல்லாததாக ஆகிவிடுகிறது.
கடவுளின் தூதர்களுக்கிடையில் எந்தப் பாகுபாடும் செய்யாதீர்கள்
2:136. கூறுங்கள், "நாங்கள் கடவுள் மீதும், மேலும் எங்களுக்கு இறக்கி அனுப்பப்பட்டுள்ளவற்றிலும், மேலும் ஆப்ரஹாம், இஸ்மாயில், ஐசக், ஜேகப், மற்றும் அந்த வம்சத்தின் தலைவர்களுக்கு இறக்கி அனுப்பப்பட்டுள்ளவற்றிலும்; மேலும் மோஸஸுக்கும் ஜீஸஸுக்கும் மற்றும் நபிமார்கள் அனைவருக்கும் அவர்களுடைய இரட்சகரிடமிருந்து கொ டுக்கப்பட்டவற்றிலும் நம்பிக்கை கொள்கின்றோம். அவர்களில் எந்த ஒரு வருக்கிடையிலும் நாங்கள் பாகுபாடு செய்யமாட்டோம். அவருக்கு மட்டுமே நாங்கள் சரணடைந்தோராக இருக்கின்றோம்."
2:285. தன்னுடைய இரட்சகரிடமிருந்து அவருக்கு இறக்கிஅனுப்பப்பட்டவற்றின் மீது இத்தூதர் நம்பிக்கைகொண்டு விட்டார், மேலும் நம்பிக்கையாளர்களும் அவ்வாறே செய்தனர். கடவுள், அவருடைய வானவர்கள், அவருடைய வேதம், மற்றும் அவருடைய தூதர்கள் மீது அவர்கள் நம்பிக்கை கொள்கின்றனர்: "அவருடைய தூதர்களில் எவருக்கிடையிலும் நாங்கள் பாகுபாடு எதுவும் செய்யமாட்டோம்." அவர்கள் கூறுகின்றனர், "நாங்கள் செவியேற்கின்றோம், மேலும் நாங்கள் கீழ்ப்படிகின்றோம்.* எங்களை மன்னிப்பீராக, எங்கள் இரட்சகரே. இறுதி விதியானது உம்மிடமே உள்ளது."
3:84. கூறுவீராக, "நாங்கள் கடவுள் மீதும், மேலும் எங்களுக்கு இறக்கி அனுப்பப்பட்டவற்றிலும், மேலும் ஆப்ரஹாம், இஸ்மாயீல், ஐசக், ஜேக்கப் மற்றும் அவ்வம்சாவளித் தலைவர்களுக்கு இறக்கி அனுப்பப்பட்டுள்ளவற்றிலும், மேலும் மோஸஸ், ஜீஸஸ், மற்றும் நபிமார்களுக்கு அவர்களுடைய இரட்சகரிடமிருந்து கொடுக்கப்பட்டவற்றிலும் நம்பிக்கை கொள்கின்றோம். அவர்களில் எந்த ஒருவருக்கிடையிலும் பாகுபாடு செய்ய மாட்டோம். அவருக்கு மட்டுமே நாங்கள் சரணடைந்தோராக இருக்கின்றோம்.
4: 152. எவர்கள் கடவுள் மற்றும் அவருடைய தூதர்கள் மீது நம்பிக்கை கொண்டு, மேலும் அவர்களுக்கிடையில் எந்தப் பாகுபாடும் செய்யாதிருக்கின்றனரோ, அவர்களைப் பொறுத்த வரை அவர்களுடைய பிரதிபலனை அவர்களுக்கு அவர் வழங்குவார். கடவுள் மன்னிப்பவர், மிக்க கருணையாளர்.
4: 150. கடவுள் மற்றும் அவருடைய தூதர்களை நம்பமறுத்து, அத்துடன் கடவுள் மற்றும் அவருடைய தூதர்களுக்கிடையில் பாகுபாடு செய்ய நாடி, "நாங்கள் சிலர் மீது நம்பிக்கை கொள்கின்றோம். மேலும் சிலரை ஏற்கமறுக்கின்றோம்," என்று கூறி, அத்துடன் இடையில் ஒரு பாதையைப் பின்பற்ற விரும்புகின்றவர்கள்;
4:151. இவர்கள்தான் மெய்யான நம்பமறுப்பவர்களாக இருக்கின்றனர். இழிவு நிறைந்ததொரு தண்டனையை நம்பமறுப்பவர்களுக்காக நாம் தயாரித்து வைத்துள்ளோம்.
பெண்கள் மாதவிடாய் சமயத்தில் தொழாமல் இருக்க அனுமதி உண்டா?
2: 222. மாதவிடாயைப் பற்றி அவர்கள் உம்மிடம் கேட்கின்றனர்: கூறுவீராக, "அது தீங்காகும்; மாதவிடாய்க்காலத்தின் போது பெண்களுடன் நீங்கள் தாம்பத்ய உறவிலிருந்து விலகி கொள்ள வேண்டும்; அதனை விட்டு அவர்கள் விடுபடும் வரை அவர்களை நெருங்காதீர்கள். அவர்கள் அதிலிருந்து விடுபட்டவுடன், கடவுள்-ஆல் வடிவமைக்கப்பட்ட முறையில் அவர்களுடன் நீங்கள் தாம்பத்ய உறவு வைத்துக் கொள்ளலாம். பாவங்களுக்காக வருந்துபவர்களைக் கடவுள்
நேசிக்கின்றார், மேலும் அவர் தூய்மையாக இருப்பவர்களை நேசிக்கின்றார்."
6:112 ஒவ்வொரு நபியுடைய விரோதிகளும் – மானிடர்கள் மற்றும் ஜின்களிலுள்ள சாத்தான்கள் - ஏமாற்றிக்கொள்ளும் பொருட்டு, ஒருவரில் இருந்து மற்றவர் அலங்காரமான வார்த்தைகளைப் உருவாக்கிக்கொள்ள நாம் அனுமதித்துள்ளோம். உம்முடைய இரட்சகர் நாடியிருந்தால், அவர்கள் அதனைச் செய்திருக்க மாட்டார்கள். நீர் அவர்களையும் அவர்களுடைய புனைந்துரைகளையும் அலட்சியம் செய்திட வேண்டும்.
ஸலாத்தை பற்றி குர்ஆன் Vs ஹதீஸ்.
குர்ஆன் | ஹதீஸ் |
முஹம்மது நபி மூலமாக குர்ஆனில் அல்லாஹ் கூறியது 4:79 | யார் யாரோ (6:112) |
|
|
|
|
ஸலாத் தொடர்பு தொழுகை இப்ராஹிம் நபி மூலமாக வந்தது தொடர்பு தொழுகை. (21:73; 22:78) | முஹம்மது மூலமாக வந்தது நபி |
ஒழு செய்ய 4 ஸ்டெப் தான் உள்ளது உள்ளது. (5:6) | ஒழு செய்ய 4க்கு மேலேயும் உள்ளது. |
கடவுள் மட்டும் நினைவு கூறுவதற்காக தான் ஸலாத் தொடர்பு தொழுகை. (20:14) | முஹம்மத் மற்றும் அவர்களின் குடும்பத்தினர் இப்ராஹிம் மற்றும் அவர்களின் குடும்பத்தினரை நினைவு கூறுதல். |
கடவுள், பெண்களை மாதவிடாய் சமயத்தில் தொழுகையை விட்டு தடுக்கவில்லை. (2:222) | ஹதீஸ் பெண்களை மாதவிடாய் சமயத்தில் தொழுகையை விட்டு தடுக்கின்றது |
கடவுளின் தூதருக்கு இடையில் வேற்றுமை பாராட்ட கூடாது. (2:136, 2:85; 3:84; 3:84; 4:150-152) | கடவுளின் தூதருக்கு இடையில் வேற்றுமை பாராட்டுதல் |
தொடர்புத் தொழுகைகளை நீர் மிகவும் சப்தமாகவோ, அன்றி இரகசியமாகவோ கூற வேண்டாம், (நடுத்தரமானதொரு தொனியைப் பயன்படுத்துவீராக (17:110) | குர்ஆனுக்கு நேர் எதிராக ஹதீஸ் கூறுகிறது. |
"ஷஹாதஹ்" சாட்சி கூறுதல் - "லா இலாஹ இல்லல்லாஹ்" (3:18; 37:35; 47:19) | ஷஹாதஹ்வில் குர்ஆனுக்கு மாற்றமாக நபியின் பெயரை அல்லாஹ்வுடன் இணைத்து கூறுகிறது. |
ஸலாத் தவறவிட்டால் மன்னிப்பு மற்றும் சீர்திருத்தல் அதற்கு பரிகாரம் . (38:32) | ஸலாத் தவறவிட்டால், அதை மற்றொரு நேரத்தில் சரிசெய்து கொள்ளலாம். |
ஐந்து முறை தொழுகை மட்டும்தான். (24:58; 11:114; 17:78; 2:238) | நிறைய முறை தொழுகை உள்ளது. tahajjud, ishraq, duha, awwabin, ghufayala, Tahiyyatul Masjid…….many more… |
47:24 அவர்கள் ஏன் குர்ஆனைக் கவனத்துடன் ஆராய்ந்து பார்க்காதிருக்கின்றனர்? அவர்களுடைய மனங்களின் மீது அவர்களுக்குப் பூட்டுக்கள் இருக்கின்றனவா?
https://submission.org/idx_contact_prayer.html
http://Kadavulmattum.org